Mängisch
Wes mir fat afa nachetäiche,
bim Choche, bim Abwäsche, bim Putze,
bim Wösche, bim Glette, bim…
Sache, wo me au Tag macht,
wo jedi Wuche gäng wider chöme.
Jahr-i, Jahr-us,
nüt gseht me dervo
u doch häicht `s a,
vilicht grad drum!
Niemer gseht`s niemer merkt`s.
Suberi Wösch, subers Gschir,
es Deheim, wo`s eim fröit.
Der Chüelschrank isch voll.
Aus isch da, aus cha me bruche,
ohni z`täiche!
Aber mängisch, vo Zyt zu Zyt,
faht`s de bi mir afa täiche.
U de mängisch -
ha ni eifach gnue
u de täiche ni aube:
Blaset mir i d`Schue!
Mängisch –
sött me eifach echli furt.
Use us dere Eitönigkeit,
use us däm Labyrinth.
Mängisch sött me,
mängisch wett me,
u cha doch nid!
Elisabeth Zaugg-Reist, Boswil